22-25 лістапада 2007 году ў Варшаве (Польшча) адбудзецца міжнародная сустрэча Эўрапейскіх Школьных Клюбаў (ЭШК), якую праводзіць Польская фундацыя імя Робэрта Шумана.

Галоўным элемэнтам міжнароднай сустрэчы ЭШК будзе наведваньне паседжаньня Эўрапейскай Рады. Удзельнікі змогуць ня толькі атрымаць новыя веды пра Эўрапейскі Зьвяз, але і ўзмацьніць кантакты са сваімі замежнымі партнэрамі, наладзіць новыя знаёмствы.

Да ўдзелу ў сустрэчы запрашаюцца ўсе ЭШК у складзе аднаго настаўніка і двух вучняў ва ўзросьце 14-19 год з кожнай школы. Першымі будуць зарэгістраваныя школы, якія заявяцца разам са сваім замежным партнэрам.

Працоўная мова з'езду - ангельская.

Дадатковая інфармацыя, форма заяўкі і праграма - на сайце: http://www.schuman.org.pl/modules.php?op=modload&name=Sections&op=viewarticle&artid=559