4 сьнежня 2007 г. ў г. Луцк (Украіна) адбудзецца канфэрэнцыя „Масты свабоднай інфармацыі” (Free Media Bridges). Арганізатар канфэрэнцыі – цэнтар “Наша справа” – запрашае да ўдзелу ў ёй студэнтаў, моладзь, прадстаўнікоў недзяржаўных арганізацыяў і ўсіх зацікаўленых асобаў. Удзельнікі канфэрэнцыі – прадстаўнікі арганізацыяў зь Беларусі, Нямеччыны, Польшчы, Украіны і Францыі - засяродзяцца на 3-х асноўных тэмах: праграма “Моладзь у дзеяньні”, далучэньне моладзі да мэдыя-праектаў, праграмы палітычнай асьветы.