Еўрарадыё распачынае новы, конкурсны этап праекту Беларусь Tomorrow
Аб’яўляецца конкурс працаў маладых людзей ва ўзросце да 26 гадоў на тэму будучых рэформаў Беларусі.
Напішы як ты бачыш будучае сваёй краіны!
ШТО ПІСАЦЬ?
Абяры адну з шасці тэмаў або можаш пісаць па кожнай:
1. Нацыянальная ідэя
2. Высокія тэхналогіі
3. Адукацыя
4. Культура
5. Знешняя палітыка
6. Палітычны лад краіны
А СУДДЗІ ХТО?
У якасці суддзяў выступяць вядомыя эксперты ў розных галінах (па аднаму на кожную тэму).
У іх склад увайшлі:
Сягрей Панькоўскі — кандыдат філасофскіх навук, палітолаг, кіраўнік праекту “Наше мнение”
Раман Якаўлеўскі — аглядальнік міжнароднага Інтэрнэт-парталу “Wider Europe”
Уладзімір Мацкевіч – філосаф і палітолаг
Юры Зісер – старшыня дырэктараў парталу tut.by
Пётр Марцаў – стваральнік газеты БДГ, журналіст, бізнесмен і аналітык
Максім Жбанкоў – кінакрытык, журналіст, выкладчык “Беларускага калегіума”
КОЛЬКІ ЧАСУ НА РОЗДУМ?
На напісанне эсэ даецца час да 10 снежня. Прадугледжаны памер працы – не больш за 2000 знакаў. Тэматыка у межах буйной тэмы (напрыклад адукацыя) можа быць якой заўгодна, ад плана для канкрэтнага ўніверу да глабальнай ацэнкі сістэмы адукацыі.
Усе працы выстаўляюцца на адмысловую старонку праграмы. За кожную можа галасаваць інтэрнэт-аўдыторыя.
ЯК ПЕРАМАГЧЫ І КУДЫ ЕДЗЕМ?
У выніку эксперты вызначаюць 6 пераможцаў: па адным на кожную тэму. У дадатак, па выніках галасаванняў вызначаюцца яшчэ 2, за працы якіх было аддана больш за ўсё галасоў. Гэтыя 8 асобаў паедуць ў 4-дзённае падарожжа па Польшчы, дзе сустрэнуцца з палітыкамі, эканамістамі, даведаюцца болей пра польскія рэформы.
Адлік часу пачынаецца з 12 лістапада….
І памятайце – чым раней прышлеце працу, тым большая колькасць чалавек паспее за яе прагаласаваць.