Мінакі здзіўленна абарочваюцца на дзяўчыну ў вясельным абрадзе. Яшчэ б! У нявесты ліловы сінях пад вокам, а замест традыцыйнага букета ў руках улёткі.
- Вазьміце ўлётку, калі ласка, - звяртаецца яна да людзей. - Спынім гвалт над жанчынамі разам! Сёння, у Сусветны дзень барацьбы з гвалтам над жанчынамі, прадстаўніцы БХК ды "Міжнароднай амністыі" пры падтрымцы моладзевых актывістаў у спробе прыцягнуць увагу грамадскасці да праблемы дамашняга гвалту правялі інфармацыйную кампанію.
Дзяўчыны, пераапранутыя нявестамі, намалявалі на сабе сінякі, і роўна апоўдні пачалі раздаваць улёткі ў гандлёвым цэнтры "Сталіца". Пазней інфармацыйная група перасунулася ў ГУМ. Як сказала прадстаўніца "Міжнароднай амністыі", Штэфані Бэкманн, "менчукі аказаліся цяплейшымі за надвор'е". Насамрэч, людзі былі прыветлівымі, шчыра цікавіліся праблемай, чыталі ўлёткі не толькі самі, але абяцалі перадаць іх сябрам і суседзям. Тым больш, што ва ўлётках акрамя актуальнай інфармацыі пра гвалт над жанчынамі ў нашай краіне, былі пазначаты тэлефоны даверу МУС, па якіх па дапамогу можа звярнуцца любы жадаючы.
Сінякі на нявестах не распазнаваліся здалёк, і таму мінакі былі шакіраваны, калі падыходзілі бліжэй. Гэта і стала сэнсам кампаніі, бо хатні гвалт можа быць незаўважным, нават дзеля саміх ахвяр.
Фота можна паглядзець
тут
